關之琳與鍾鎮濤（阿B）前晚出席第十七世大寶法王噶瑪巴生辰慈善晚宴籌款活動，提到最近有報道指她患腦癌，關之琳再否認：「冇根據！（最近上載行山相，係咪為咗證明身體好？）唔係，我行咗廿幾年山，每星期行3至4次。」她並已發聲明澄清，可惜採取法律行動後仍有人繼續造謠，她笑說：「可能叫法王懲罰吓佢哋先！」

關之琳無辜傳患腦癌，惟有向法王「求助」以懲戒造謠者！

鍾鎮濤與囡囡父女檔上陣，Sweet爆！

前日適逢父親節，阿B在席上大吐苦水：「其實都幾苦悶，一早個大女就出去同朋友遊船河，另外兩個女就睇音樂劇，好冇面㗎！有三個女但父親節都冇地方去，所以捉住老婆食番o的好嘢！」其實囡囡鍾懿亦很有孝心，送了一個罌讓他裝結他Pick及茶葉。