臨盆在即的名模周汶錡昨日在Instagram晒巨肚寫真，更罕有地大騷升Cup上圍，「懷孕的女人最漂亮」，果然不假！

穿泳褲拍攝巨肚寫真，又型又性感！

名模周汶錡（Kathy）腹中塊肉本月底便出世，為紀念懷孕這段寶貴時光，她特意找來攝影師拍攝大肚寫真！向來要型要靚的她事前與攝影師商量拍攝造型，最後決定以型媽形象上陣，僅穿黑色外套及黑色泳褲的她在影樓拍攝，加上秀髮飄逸，效果性感動人！

網友激讚Hot Mami

昨日，她在Instagram分享寫真，不少網友隨即留言激讚「Sexy」及「Hot Mami」，當中著名髮型師Kim Robinson更留言大讚她是20年來見過最動人的模特兒，Kathy說：「好多朋友都叫我影大肚寫真，當係留紀念。（上圍豐滿咗？）冇添加㗎！大肚後升咗1 Cup（依家係C Cup?）個肚就C Cup，其實都唔係乜嘢寫真，嗰日好快咁影咗幾張。嗰日老公唔喺度，所以搵咗Olivia（女攝影師）影，比較方便。（唔叫老公一齊影全裸照？）佢又冇大肚！」

倒數10日生靚B

此外，Kathy自爆拍攝期間愈影愈投入，其後索性除去外套僅以雙手遮胸，火辣程度爆燈！不過，她笑稱會珍藏這批照片作私人欣賞，不會公開，又透露距離預產期僅餘約10天，很快便可以跟混血BB見面！