王宗堯和張建聲因電影谷起人氣而密密賺，同片的「獄」女拍檔林芊妤（Coffee）昨日表示戥他們高興，又讚二人努力、盡力宣傳兼付出很多。Coffee自言戲份不多，但近期也繼續接到電影及電視的工作，她說：「好開心，Keep住好多嘢做。（買嘢獎勵自己？）買咗兩份保險畀父母，我會一年一年咁供，希望佢哋長命百歲，自己就花五位數買咗個名牌袋。」

Coffee自爆多工作冇停手。

Coffee大讚王宗堯（左）及張建聲為電影瞓晒身。