張建聲操肌搵錢救父 半年執200萬 王宗堯買車
新一代男神王宗堯在影壇突圍，廣告亦接到手軟，短短半年已吸金近200萬，他日前現身車行極速擲50萬買車做車主。而師弟張建聲一樣搵唔少，獲邀拍廣告努力操肌，穩袋六位數酬勞。
甩脂做肌男的張建聲，密密賺錢養家。
王宗堯揀心水靚車，即睇即買！
王宗堯
張建聲勤加操練，麒麟臂盡現。
車行內，王宗堯講到指手畫腳。
與新一代男神王宗堯（Greg）合作拍電影《壹獄壹世界》彈起的張建聲（Justin），成功背後當然有所犧牲，他之前為電影《一路向西》的孱仔角色減至143磅，之後為《壹》片激增至逾200磅飾演惡霸，雖然為電影變瘦再谷肥，但近日為拍新廣告而減至153磅，勤力操肌化身「肌」男，並穩袋六位數酬勞，再辛苦都值得。
為父治喉癌
為工作而經歷身形上的大起大跌，Justin坦言似足坐過山車：「谷肥嗰段時間零工作，公司雖然提供生活費，但感覺又頹又唔男人，有種墮落感，萬一套戲唔開我就玩完，身心都有壓力，諗過放棄，但揀咗冇得返轉頭。我想做一個成功嘅人，最後靠意志捱過。」
問到賺到錢如何自我獎勵，早前曾透露父親患喉癌的他即想起家人及父親的醫療開支，並說：「全數畀晒屋企，因為父親健康狀況欠佳，醫療需要錢。」問他會否羨慕Greg有名又有利，他說：「佢嘅成績係應得，佢係師兄，係我學習榜樣。」
另一邊廂，入行多年、現年36歲的王宗堯憑暖男形象食胡，月前續約蕭定一旗下中國3D娛樂，更獲支持成立製作公司自導自演新片，實行做全能男神。近日他除了忙拍戲，廣告工作亦多不勝數，由男士護膚品、鞋履、電器、電訊廣告，至凌志跑車及天梭表等廣告應有盡有，單靠廣告收入半年已賺近200萬元，默默搵銀的他不但細屋搬大屋，由銅鑼灣二百呎劏房搬到獨立單位居住，日前更被發現到車行買車，升呢做車主。
10分鐘扑錘
日前Greg戴上黑超，與一名女性友人到灣仔一間車行，落足耳力聆聽車行職員介紹，期間他多次用手比畫，似在向職員表達車身及車形方面的要求，研究一輪後，很快便扑錘買下價值逾50萬、推出不足一年的新款凌志房車NX300h，成為車主的Greg在車行逗留約10分鐘，才在車行職員護送下與女友人離開。
