《我愛發哥》晒冷登陸《東網巨星》有Facebook喇！

繼《東網巨星》App，《東網巨星》Facebook亦隆重登場。為咗配合呢個大事件，《東網巨星》Facebook由今日開始一連八日、每日三集視頻上載Facebook，將《東網巨星》特備重頭節目《我愛發哥》來個大晒冷，等大家可以喺短短一個星期左右重溫晒共二十五集精彩內容。

幽默回應冧暈紅星

《我愛發哥》嘉賓粒粒巨星，包括容祖兒、陳奕迅、周秀娜、謝安琪、吳若希及黃翠如等，想睇佢哋同發哥點妙問妙答，發哥又點樣冧掂各大偶像同施展佢嘅幽默大法？咁就萬勿錯過喇！

重點報道各大娛樂新聞及八卦消息嘅《東網巨星》App，之前為大家獨家足本放送戴夢夢剝裙露底「股」惑太極鼓手轟動全城，而《東網巨星》秉承唔爆唔做精神，實時八盡全城至Hit至爆娛樂熱話，更捐窿捐罅搜羅奇趣妙聞，《東網巨星》Facebook亦同步跟進推介。

娛圈奇聞愈睇愈Like

除咗晨冰戀、祥青戀呢啲轟動性娛聞外，藝員林盛斌玩針灸驚變「恐懼鬥室」、陳喬恩潮玩鎖骨裝雞蛋呢啲得意奇聞，《東網巨星》都詳盡報道；每日睇實，就唔驚冇話題，快啲去Like啦！

第21集：笑周秀娜太濫

女神周秀娜勁讚周潤發型英帥，仲話：「鍾意發哥會去買餸，好親民，同埋會搭地鐵！」周潤發聽到後忍俊不禁，問周秀娜係咪愛得太濫：「喂！香港廣大市民都好鍾意搭地鐵，個個都去買餸喎！你都鍾意晒喎娜姐！」想娜姐鍾意，大家買多啲餸啦！

第22集：賀任賢齊執導

任賢齊希望執導嘅作品可以請發哥嚟睇，發哥話：「你幾時首映？恭喜你做咗導演！點解你做導演都唔搵我呀？」到底小齊點拆彈？佢話：「如果有機會呢套戲賣得好，賺多啲錢，應該就可以請到發哥做我哋嘅主角！因為下一套係江湖片，我要向《英雄本色》致敬，我要拍我嘅傷心太平洋，發哥可唔可以做我大佬？」

第23集：教JM改「親民」名

周潤發，荷里活人人叫佢Chow Yun Fat，當JM（文詠珊）讚發哥親民時，佢又來一次神回覆：「咁你改吓個英文名啦！就得㗎喇！你姓文，改做『Chan Man』咪親民囉！」咁JM以後咪要叫「CM」？

第24集：「通緝犯」？黃美棋想捕獲

黃美棋一直捕獲唔到周潤發，但原來被野生捕獲都有苦處，睇吓發哥點回應美棋BB：「講開又講，我呢，變咗通緝犯，有鬚嗰啲呢，有個榜通緝，做咩搞成咁？我依家要蒙面，唔見得人，唔知邊個搞呢單嘢出嚟，你唔好搵我喇！」其實發哥就算蒙咗頭，都會畀人認出囉！

第25集：祖兒日出之約！齋上山唔過夜

容祖兒想約周潤發去鳳凰山：「睇日出吖，影相跟住再食早餐，約定你！」點知發哥就請祖兒食半個檸檬：「姐姐，上鳳凰山要過夜喎！嗰度得丁屎咁大間屋仔，我哋兩條友落去，我諗唔夠瞓！如果你話我同你上去又唔好啦，同埋龍哥（劉浩龍）逼落去又逼到爆，我帶你哋去一次，六點幾上到去之後我就走先，你哋就睇日出，我唔睇喇！」原來發哥想成人之美！

《東網巨星》Facebook網址：https://www.facebook.com/onccstars?fref=ts