藝人林盛斌（Bob）、吳若希（Jinny）及莊思敏等昨日在沙田出席《乙未年沙田龍舟競渡》「無盃─中龍混合邀請賽」。本擔任龍舟鼓手的Jinny因有工作在身兼賽程編排關係，被迫提早離開，並交由莊思敏接棒。問Jinny有否睇中龍舟猛男？她笑說：「大家唔係叫我個名，就係嗌『點解』同『好打耳』！」

穿上熱褲的吳若希做足熱身運動，但最終無緣落場。

烈日當空，莊思敏（左起）、楊秀惠、王子涵和譚嘉儀均短打上陣。

Bob谷起手瓜扮大隻佬，So Wild！

至於到場打氣的Bob則直言想落場，惟領隊指其體重會拖慢速度。早前在微博晒針灸相的他訪問時聲沙沙，他透露聲帶發炎，要出動西醫、中醫和針灸三料治病，更自爆上星期為完成司儀工作，明知傷身也打類固醇開聲。

此外，Jinny昨日亦有出席父親節活動，並透露今天是爸爸生日。談到最近過世的公公，她表示媽媽比她想像中堅強，並愈講愈眼泛淚光：「可能公公掛住阿婆，同埋佢好鍾意睇《梁祝》，覺得佢好似《梁祝》咁同阿婆一齊化蝶。」