成名於八十年代、有「詞壇浪子」之稱的潘源良(潘Sir)舉行作品展,獲多位巨星擔任嘉賓,其中陳慧嫻更大爆當年曾暗戀潘Sir!而潘Sir亦趁機在觀眾面前向女友李麗珍示愛,認真浪漫。

潘Sir和珍妹相愛多年,Sweet到漏!

潘Sir透過射燈表示最愛珍妹,珍妹即怕醜得低頭掩面。

陳慧嫻在台上和潘Sir咬耳仔,唔驚激嬲台下嘅珍妹?

林憶蓮深情演唱潘Sir的作品。

感情要好的潘Sir和關淑怡在台上攬攬。

本地著名填詞人潘源良一連兩場的《最愛潘源良是誰作品展》前晚在紅館開鑼,表演嘉賓包括林子祥、葉蒨文、林憶蓮、關淑怡、陳慧嫻、達明一派、草蜢、張敬軒和倫永亮等,全場座無虛席之餘亦吸引林夕、陳奕迅父親陳裘大、李若彤等到場欣賞,而潘Sir女友李麗珍(珍妹)亦現身觀眾席支持男友。

陳慧嫻驚爆玩暗戀

主角潘Sir開騷前率先上台,一身「紳士Look」的他說:「我雖然滿頭白髮,但我未死,所以個騷唔係紀念作品展,我份人做唔停,所以亦都唔係榮休騷。」又稱人生要像《大時代》的角色「方進新」一樣:「老細畀次機會吖,今次做得唔好下次再做,會愈做愈好,今日佢個女『方婷』都喺度喎。」並望向飾演方婷的珍妹方向。

而陳慧嫻演出時自爆當年曾暗戀潘Sir,潘Sir即大表震驚:「上個世紀嘅事,你做咩唔早啲講?」慧嫻笑說:「當年我拍緊拖唔可以講,你第一次請我飲嘢,唔知係咪因為覺得我太瘦,居然係香蕉杧果奶昔,仲要喺你屋企,你父母匿係房唔敢出嚟。」令觀眾笑聲不斷。

射燈尋愛全場鼓掌

作品展尾段,潘Sir上台致謝時,乘機向女友示愛:「講到作品展個名叫『最愛是誰』,答案喺本館搵。」此時射燈即同步照向珍妹的方向,全場立即歡呼拍掌,潘Sir續說:「最愛係在場每一位,多年嚟嘅支持同鼓勵,緣分係分成兩半,一半喺我度,一半喺大家度。」最後潘Sir在全場的熱烈掌聲下,與達明一派合唱最後一首歌《十個救火的少年》作結。