今日是父親節，「宇宙最強」甄子丹自小與父母疏離，家庭聚會甚少，直至遇到太太汪詩詩，受到對方家庭溫暖的影響而改變，認為小朋友成長很重要，希望子女有快樂和溫馨的童年回憶，他希望自己可以成為好爸爸。

子丹攬着女兒濟如，洋溢溫馨。

子丹與兒子濟嘉齊齊擺出Chok甫，型格十足。

汪詩詩（左起）、甄子丹與女兒濟如及兒子濟嘉齊齊穿上「親子皮褸」，一家四口十分合襯。

今天父親節是讓子女感謝父親的節日，已為人父的甄子丹有「宇宙最強」之稱，但在父親的角色，他認為尚有很大進步空間：「做父母係終身學習嘅過程，隨着子女長大、大家同步進步，希望可以成為更好嘅爸爸。」

談到與父親的相處點滴，子丹指父親是一位傳統的嚴父，經常灌輸做人道理、中國文化修養等，他說：「唔多唔少我都受到爸爸影響，喺美國長大嘅一段時間，加上年代又唔同咗，都有影響我對子女嘅教導。（小時候對父親做過最後悔嘅事？）依家諗番起實在太多，有好多自己都冇辦法可以原諒，我都唔想再提，只係希望我嘅子女唔會重複犯我嘅過錯。」

與子女視像通話

子丹還表示太太影響他不少：「嗰陣我喺波士頓住一個月都唔見一次，同父母疏離，好少坐埋一齊食飯。不過太太嗰邊成家好Warm，改變咗我，唔想小朋友好似前半生嘅我，喺好Cool嘅環境下成長，加上我學功夫，功夫係好強，畀人感覺係鐵人，唔可以Show自己感情。人生到咗另一個層次，唔係用拳頭，依家用個心。」

常離港工作的他與子女相處時間不多，慶幸有太太汪詩詩安排和子女進行視像通話，將珍貴時刻與他分享，才不致錯過子女的成長。問到子女做過或說過最感動的說話？他說：「我份人比較感性，佢哋講『I Miss You』、『I Love You』，攬實我唔捨得我離家工作，我已經覺得好窩心。」

詩詩笑言做「衰人」

提到與太太在教導子女時有否分歧，子丹說：「其實冇分歧，如果有嘅，經過佢講出道理同見解，我會覺得佢講得有道理而認同佢、支持佢。」而詩詩笑言永遠當「衰人」：「子丹好多嘢都係聽我意見，小朋友驚我多啲，一定係我衰人惡嗰個，佢係好人，因為佢成日唔喺屋企，但大致上仔女都好乖，都好聽話。」