太極鼓手Ricky的太太被指爆料指曾兩次「捉姦」老公與戴夢夢「蜜」會，更曾怒摑「情敵」，夢夢接受本報電話訪問時，寸爆反擊：「絕對冇呢件事，我同Ricky都係做娛樂圈，我哋在明，人哋在暗，人哋講一句都好容易摧毀我哋聲譽，我唔再講任何嘢喇！希望讀者當娛樂新聞，笑話一則去睇，好似睇連續劇咁。」她又說：「我唔識Ricky太太，唔講太多，愈描愈黑，我相信Ricky講嘅嘢。（會因為呢件事分手？）絕對唔會，全力支持佢。」提到被冠上「小三」之名，問可感到委屈？她強調絕非「小三」：「唔可以咁講，Ricky喺呢行已經30幾年，我都10幾年喇！知道娛樂圈運作，點會蠢到喺未清楚嘅狀況下去交往呢，仲要拖手去中環置地呢？畀人影到嗰刻有啲愕然，但我哋係光明正大。」

夢夢與Ricky拖手行街，相當癡纏。