彭懷安（Eddie）早前被《好報》拍得夜蒲攬女，未婚妻朱慧敏（Queenie）即叫停婚禮，更到美國散心，Eddie透露現時每日也跟Queenie聯絡，已獲原諒，更有信心箍煲。

Eddie擔心Queenie返港時面對傳媒有壓力。

叫停婚禮的Queenie現正在美國散心。

李逸朗與楊子瑤隔着漫畫公仔牌鬥Chok。

歌手李逸朗、彭懷安、陳惠敏及楊子瑤前晚到尖沙咀出席新片《男極探射燈》記者會。Eddie受訪時說：「我同Queenie每日都有電話溝通，佢已經原諒咗我，依家反而溝通得唔錯。（去美國箍煲？）唔騷擾佢喇！（有信心搵番老婆返嚟？）我有嘅！」Eddie坦言擔心Queenie返港時面對傳媒有壓力，更指事件令他明白藝人要檢點。問到會否覺得結婚太衝動，他說：「唔係，係訂婚之後有好多問題浮現，依家溝通過更清晰。」

李逸朗祝福葉翠翠

李逸朗被問到舊愛葉翠翠下月嫁人，他說：「冇請我飲呀！請我梗去。（偷偷哋去？）我唔係變態，唔會匿喺後樓梯偷窺囉！」導演劉俊輝與陳惠敏一同接受訪問，劉俊輝說：「女主角換咗楊子瑤，佢係我新簽番嚟嘅藝人。（要露點？）唔使。」