「女神」吳若希最近可謂厄運纏身，繼日前鎅傷手後，昨日證實喉嚨生繭！兩年前曾患上同一個病的她，表示今次有復發徵兆，醫生叮囑她一定要休息兩星期，否則隨時有後遺症！

吳若希接受訪問時表示，因喉嚨生繭而爛聲。

吳若希（Jinny）日前出席活動時自言因風水關係，本月易有碰撞和受傷，自爆整早餐時鎅傷右手虎口，要戴首飾保平安，怎料一波未平一波又起，2012年因喉嚨生繭的她近日又有復發徵兆！Jinny昨日接受電台訪問前，在網上上載到診所看病的相：「我的好朋友、各位朋友，我聲帶有事，請勿跟我說話及打電話給我兩星期，謝謝。你叫一個超喜歡講話的人情何以堪？」

押後錄碟

電台訪問後，Jinny說：「之前感冒休息唔夠，所以爛聲，依家嚴重咗，我本身生過繭，所以驚復發。」她又指公司未知她的病情，但會向公司請假，未來兩星期都要「禁聲」，新碟的錄音工作稍作延遲，問到可要做手術？Jinny說：「唔做都OK，做咗都會有機會復發，依家最重要係休息，醫生話唔想嚴重到有後遺症，所以要休息唔講嘢。」

素顏跑步

雖然抱恙，但Jinny前晚與好友Kellyjackie和表弟跑步，更留言：「為了遷就一個阿姑，今天只跑5公里，誰知道，她還是要我慢跑、散步、拉完筋才施施然出現！」