羅蘭最近為澳門拍攝一輯以《回憶。澳門》為題的小冊子，昨日在中環出席澳門的旅遊推廣活動。她大讚澳門美食多籮籮，尤其葡國菜馬介休和葡撻等，問到會否趁機入賭場玩兩手？她笑說：「冇呀！（天主教徒唔可以賭錢？）玩吓就冇所謂，但問題係第一冇時間，第二又唔識玩，佢哋話有路！話開幾鋪大就要買幾多鋪細咁，唔識就未必買得中囉！」

羅蘭昨日出席澳門的旅遊推廣活動，大讚澳門多美食。

最近羅蘭頻頻出席公開活動，加上忙於拍攝無綫新劇《末代御醫》，下月更需隨劇組到番禺拍外景。但她又預告已接獲主題公園萬聖節廣告的拍攝通知，雖然未知造型，但她說：「一定要預（時間）嚟做！應該會喺八月做！」