梁朝偉昨日在香港法國領事官邸，接受法國頒授給他的「法國藝術與文學軍官勳章」，並由駐港澳總領事柏雅諾作代表頒予勳章，表揚他於中法文化交流及華語影壇的貢獻。偉仔與太太劉嘉玲以黑色情侶裝現身，隨行還有偉仔媽咪、妹妹一家，以及嘉玲媽咪等。而一班好友包括曾志偉、邱淑貞夫婦、葉童夫婦等亦現身支持，場面熱鬧。

劉嘉玲雖來不及準備「賀禮」，但即場已啜爆偉仔！

一眾好友前來恭喜偉仔受勳，場面熱鬧。

劉嘉玲（左起）、偉仔媽咪、嘉玲媽咪、偉仔妹妹、偉仔、偉仔外甥女和偉仔妹夫齊齊合照。

嘉玲坦言戥老公開心，但未計劃送「賀禮」，即場吻賀：「大家要你好好保護香港o既資產（指偉仔）。（你被指『情傾』閨蜜鄧霓儀？）我同佢二哥（鄧永鏘）講起都得啖笑！（同鄧小姐見面尷尬？）唔會，我暫時性取向正常。」偉仔亦沒有將太太的緋聞放在心上：「得啖笑！我o地o係度咁多年，咩風浪未見過啊？」

而志偉幽默地反問記者：「偉仔其實攞咩獎？畀佢做乜？（送咩畀佢？）佢送番畀我o地就真，我o地o黎賀佢喎！」

另外，偉仔早前被爾冬陞新片《我是路人甲》觸動，看畢該片試映會後，親撰一篇文章講「觀後感」，指30多年前自己賣家用電器，過着無風無浪的生活。但老友周星馳在那段時間不停給他洗腦，勸他放棄工作和他一起考藝員訓練班，最後被說服了。而當時偉仔媽咪很生氣，覺得周星馳害他兒子辭掉穩定工作而加入前途未卜的訓練班。