邱淑貞（豆斗）與沈嘉偉的13歲大女沈月，遺傳了媽咪的優良血統，樣貌標致，被公認為城中的美少女。日前約下午4時，沈月與爸爸往中環High Tea，逗留個多小時後，兩父女醫肚後步出。戴Cap帽、穿背心的沈月與爸爸並肩而行，只見已亭亭玉立，身高更拍得住爸爸。

亭亭玉立的沈月，身高已拍得住爸爸沈嘉偉。

豆斗昨日與老公出席活動時否認懷孕。

其後兩父女到停車場外等候，期間發現記者，即不約而同背向鏡頭。但向來怕醜的沈月不時擰轉頭偷望記者，在旁的沈嘉偉亦不禁偷笑！其後代客泊車將其座駕駛至，二人急急腳上車走人。

此外，豆斗昨日出席活動時主動澄清冇懷孕：「話我老公畀壓力我，佢好可憐囉！佢冇咁做，我老爺奶奶都好好，冇o的咁o既事。依家科學咁昌明，要搞（追仔）頭一、兩胎都搞啦！我冇BB，可能係大家見到我肥o左，提醒我減肥o者！」她又稱不夠時間用，擔心忽略女兒成長：「大o個個青春期啦！要多o的同佢傾偈，依家唔做，驚佢第二時咩都唔同我o地講呀！」