容祖兒與李克勤昨日以學生Look拍新歌MV，對於男友劉浩龍日前發表的「污糟手論」，祖兒力撐男友已很自責，亦不介意無辜成為網民箭靶，只求男友吸取教訓，並代求情望公眾原諒。

祖兒和克勤以學生Look拖手扮Sweet，未知二人的另一半會否呷醋？

克勤與祖兒拍攝新歌MV，笑言有三個不同版本。

劉浩龍

樂壇天后容祖兒昨日夥拍李克勤為其合唱新歌《世界真細小》拍攝MV，兩人以學生打扮亮相，當記者要求二人攬攬時，克勤抵死笑說：「着校服咪啦！會有BB！」克勤表示因唱片公司與卡拉OK公司的官司問題，導致MV分成兩人的單人版及雙人版共三個版本。談到其演唱會昨日優先訂票，他倆表示各自欠下不少飛債。

自嘲不修邊幅

談到即將生日會如何度過？祖兒表示當日會放假，只求簡單食餐飯，問到會與男友劉浩龍還是家人慶祝？她說：「暫時都未知，不過有啲朋友鍾意同我慶祝農曆生日，所以佢哋都約咗我食飯。」在旁的克勤即玩「食字」：「農曆唔係應該同龍（指劉浩龍）慶祝咩？」祖兒亦不介意被開玩笑，笑說此「農」不同彼「龍」！

然而談到劉浩龍因「污糟手論」被圍插，祖兒首度為男友解畫：「作為佢身邊人，觀察咗佢幾日，佢為呢件事都好自責，因為佢詞不達意造成誤會。」她希望男友經一事長一智：「身為公眾人物，網上平台講嘢要負責任，希望呢次教訓可以令佢更清楚點樣去表達腦裏面想講嘢。」她更以自身經驗勉勵男友，自言多年來都是從錯誤中學習，最重要是知道犯甚麼錯。

祖兒不諱言男友今次較鹵莽，但依然希望大眾能盡快原諒他。談到劉浩龍有潔癖，身為女友的祖兒會否感壓力？她笑言自己較不修邊幅，所以感到很大壓力。

唔介意被網友鬧

對於因與男友的關係，她亦無辜被網民謾罵，祖兒說不要這樣想，而克勤亦幫口指作為身邊人，或多或少都會受影響是在所難免，但最重要的是患難見真情。