日前拍節目時不慎傷及眼角膜的周嘉莉昨日首度復工，以黑超遮眼的她捱痛出席其代言的汽車活動。嘉莉自爆因眼矇而撞傷右手，又擔心因傷而損失近六位數字工作：「我驚冇咗下文！」

右手貼上膠布的周嘉莉戴黑超遮眼。

冼國林希望能為周嘉莉押後工作。

周嘉莉（右起）、陳嘉桓及松岡李那早前在泰國拍攝旅遊節目。

藝人周嘉莉日前與松岡李那及陳嘉桓在泰國拍攝有線節目時，不慎傷及眼角膜。她於傷後一星期後便「頂硬上」復工，出席其代言的汽車宣傳活動。

擬做激光矯視

嘉莉坦言目前遇到強光會流眼水，較嚴重的左眼更出現眼矇，閉眼時亦感痛楚。現場所見，嘉莉的右手受傷及貼上膠布，她解釋因眼矇而在家撞到門柄，搞到紅腫及瘀青，自嘲論盡的她笑言關燈後活動反而更自在。

問到受傷後有否經濟損失？她表示要推掉部分活動，更擔心損失近六位數酬勞的工作：「要押後工作，冼老闆（冼國林）幫我親自打電話去問可唔可以延期。佢幫我傾緊六位數嘅工作，依家未知結果，驚冇咗下文。」她又自封「獨眼龍」，有意病愈後接受激光矯視，更透露月中搬家，幸得好友「預告」會出手相助。