任達華、吳京、蔡瀚億及泰國動作演員Tony Jaa等昨晚在澳門出席新片《殺破狼Ⅱ》全球首映禮。任達華在片中雖然「打得少」，但一場攪爛手的戲份搶盡鏡頭，連吳京亦讚嘆自己打足三十多小時也要認輸！任達華更坦言有信心憑此片獲獎：「會攞最佳動作『手』獎！」

任達華（左起）、吳京和Tony Jaa作狀互毆，睇嚟Tony Jaa個樣最摟打喎！

武林高手Tony Jaa即場擺甫士，有姿勢有實際！

吳京、任達華、Tony Jaa與周焯華等合照留影。

太陽娛樂文化新片《殺破狼Ⅱ》昨晚於澳門銀河酒店舉行全球首映禮，董事長周焯華、電影監製黃柏高、導演鄭保瑞及主要演員任達華、吳京、蔡瀚億和Tony Jaa等盛裝出席，引得現場大批Fans瘋狂吶喊，Tony Jaa亦對要求握手的熱情Fans有求必應，更擺Pose配合，他以純正口音的廣東話說：「多謝你哋，我係Tony Jaa！」又指說廣東話「完全冇難度」，逗得Fans歡喜若狂。

父親節玩騎牛牛

任達華與戲中一眾功夫了得的動作演員相比，雖然「打得少」，但一樣搶鏡，他說：「真係打得好精彩！比《殺破狼》有大進步，可以話十年磨一劍，地上最強，戲中之戲，動作之王！有啲太血腥嘅畫面都刪咗。（點解你打得少？）我開槍多，我成套戲啲動作喺晒隻手，會攪爛隻手，應該會攞『最佳動作手獎』！（拍第三集？）我都未學功夫。（叫周老闆開？）吳京已經想開《戰狼Ⅱ》啦！」又透露父親節的慶祝計劃：「早就將啲嘢畀晒落母親節度啦！我可以同阿女玩騎牛牛就最開心！」

吳京打足三十小時

吳京則大讚任達華攪爛手的演出令人拍爛手掌，他說：「我打三十幾個鐘都冇用啦！（首次以父親身份過父親節點慶祝？）其實係幾號？我到時應該拍緊新戲。」首到澳門的Tony Jaa對當地印象極佳，他說：「觀眾好熱情，地方好大，我冇帶屋企人嚟，亦都唔留低玩，唔入賭場，平時都少去，加上行程好趕，要搭直升機。（Fans地？）冇嚇親，佢哋好熱情！拍戲時我多多少少都有受傷，但香港嘅動作指導好小心，樣樣嘢都準備得好，好安全。」