《我愛發哥》專題踏入第四周，第十六集今日在《東網巨星》強勢登場，今集嘉賓是紅足十幾年的青春偶像蔡卓妍，她笑問影帝周潤發何時做導演找她拍戲，即使掃地都冇問題！

周潤發

阿Sa表示如果發哥開戲，她做掃地婆都OK，咁抵得諗，唔怪得氹到發哥咁開心！

陳嘉桓

周柏豪

鍾欣潼

李思捷

殿堂級影帝周潤發於上月18日正式「登六」，為配合喜事，《東網巨星》自當日起逢周一至周五播放《我愛發哥》專題，由25位年輕偶像輪流與發哥隔空交流，向來幽默的發哥見招拆招，盡顯急才！過去三周已接受15位紅星提問，睇過的觀眾都大讚冇得頂，唔睇《我愛發哥》同朋友邊有話題呀？

大讚夠Cute

踏入第四周，今日《東網巨星》已播出第十六集《我愛發哥》，嘉賓是青春偶像蔡卓妍（阿Sa），形象開朗可人的阿Sa最欣賞發哥為人親切、演技好又夠搞笑：「好鍾意睇佢做訪問，全部都好好笑！」阿Sa近年演技大躍進，早前更提名香港電影金像獎最佳女主角，矢志在影壇發光發熱的阿Sa，問發哥有沒有做導演計劃，甘願在發哥的作品中紓尊降貴做掃地，引得發哥笑不攏嘴！發哥大讚阿Sa討人歡喜，更笑言羨慕任達華可跟阿Sa拍床戲，非常搞笑！

阿嬌爭住潮拜

繼阿Sa後，多位發哥後輩爭住跟偶像傾偈，包括阿Sa的Twins好拍檔鍾欣潼（阿嬌）、新一代型男歌手周柏豪、無綫扮嘢王李思捷及甜美打女陳嘉桓！眾星問得過癮，發哥答得風趣，集集都有精彩位，大家千祈唔好錯過《我愛發哥》專輯，即刻Download《東網巨星》App收睇啦！