男星林德信前晚出席池畔派對，提到場內有比堅尼女郎，他笑說：「好期待！我冇帶泳褲，早知我都着。」其女友松岡李那在網上大晒三點式照，問到會否禁止對方性感？他說：「唔使，我唔會叫人唔做乜嘢。（你都拍床戲啦！）係囉！」問到有否底線時，他說：「我乜都OK，拍戲係畀咗好多機會，可以做啲平時做唔到嘅嘢，有時都會做啲幾激嘅事。（全裸？）裸前後都可以接受，依家好多都可以執相。（松岡拍得唔得？）人哋嘅底線唔可以代答，我自己如果鍾意就乜都得，除非個劇本令我唔舒服或者覺得唔合理！」問到最希望合作的女星時，他指是「紅姑」鍾楚紅：「我細個跟爸爸（林子祥）出去食飯，每次見親佢都成日望住佢，咪話畀佢聽，我怕醜呀！」

精於瑜伽的林德信與同場女嘉賓大擺甫士。