於舞台劇大放異彩的嘉玲獲一眾圈中好友到賀，賓客粒粒紅星包括關之琳、周麗淇、曾志偉、鍾鎮濤夫婦、上山詩鈉及邱淑貞（豆斗）等，而豆斗老公沈嘉偉及女兒沈月亦有同行，與一眾舞台劇的台前幕後齊為座上客。此外，鍾鎮濤是夜更連走兩場，相當忙碌，他大讚嘉玲為Queen Of The World：「佢高舉獎座影相好似女王！（玩咗咩？）玩集郵囉！大家影相、傾偈、飲酒……好開心！」

志偉與嘉玲High爆吹水，之後又「坐輪椅」返歸。

悉心打扮的關之琳（左）與周麗淇結伴離場。

鍾鎮濤夫婦笑晒步出，似乎相當盡興！

Deep V上陣的上山詩鈉笑住走人，心情勁靚！

老闆楊受成夫婦亦親臨賀嘉玲，相當畀面！

狂歡過後，最令人矚目的非志偉莫屬，他戥好友嘉玲攞獎開心不已，更不醉無歸，於午夜時分離開一刻，記者見他如睡寶寶般坐在輪椅上，由四名工作人員及沈嘉偉合力抬上車，旁邊的豆斗及上山則笑說：「正常嘅！」