區文詩（Angela）早前趁住得閒，享受了一個五日四夜的台北之旅，並盡情大吃大買！所謂民以食為天，Angela亦不例外，是次她嘗了全台北最豪的鐵板燒：「大約5,500蚊台幣（約1,400港元）一個Set，當中有大約八樣菜。」台北有多個夜市，愛吃的她更到通化夜市覓食，嘗盡臭豆腐、炒蟹等指定美食！

區文詩食一餐鐵板燒要千四蚊，好豪呀！

區文詩到百貨公司掃貨，姊妹們，衝呀！

嚟到通化夜市，又點可以唔食臭豆腐？

鐵板燒鮑魚

購物是女人的天性，Angela特別愛到台灣一間美資大型百貨公司濕平，貪貨物種類繁多，又平又大件：「裏面啲嘢全部都好大件，好似廁紙平時12卷，但嗰度可能係68卷！我特別鍾意喺嗰度買狗嘅用品，好似300塊狗尿片都只係百零蚊港紙！」結果瘋狂購物買到兩個篋都裝唔晒！

最特別的是，Angela坐飛機回程時留下難忘經驗：「第一次坐商務但被安排坐上面嗰層，雖然得十幾廿個位，但都有兩三個空姐，好似坐私人飛機咁！之後我聽人講原來呢種係Jumbo機，就嚟冇晒，所以我喺佢冇之前坐到，好好彩。」