鄭嘉穎與陳凱琳（Grace）因合作拍劇而漸生好感，嘉穎早前公開表示會約Grace撐枱腳加深了解，話口未完他已主動「出擊」相約女神往金鐘歎西餐，全程卻被本報獨家直擊。昨日Grace接受電話訪問時仍否認拍拖：「之前都講咗會約食飯認識吓大家啦！希望畀啲空間我哋！食餐飯好普通，唔使刻意去隱蔽地方，下次大家見到唔好大驚小怪。（首次食飯有冇增進感情？）係多咗傾偈，但食到一半記者入咗嚟影相，冇耐我哋埋單走人。（嘉穎好Man咁保護你喎！）佢都係禮貌咁同記者講，可唔可以畀我哋安安樂樂食飯啫！」

陳凱琳與嘉穎日前被直擊相約食西餐。

佘詩曼不願回應嘉穎的新聞。

至於嘉穎「舊愛」佘詩曼昨日出席公開活動時不欲回應嘉穎的新聞，但談到歐陽震華不獲無綫續約，她說：「佢啲劇收視好好，佢係福將，無綫搵佢扮財神，我接受唔到佢喺第二個台出現。」她又表示自己與無綫的合約明年約滿：「依家接觸緊，我覺得發展、做得開唔開心先係考慮條件。」