歐陽震華不獲無綫續約

無綫近年一直鬧「演員荒」，繼林峯及馬德鐘後，有傳胡杏兒、吳卓羲、黃宗澤和徐子珊約滿後亦不再續約。正當無綫缺人之際，近日外間驚傳無綫藝員部將放棄「福將」歐陽震華（Bobby），不再與他續約。傳聞令無綫管理層大為震驚，即下令派出戲劇製作總監曾勵珍出面與Bobby傾續約，為他重新制訂合約和度身訂造劇本。

「想得個明白」

Bobby透過電話受訪承認確有此事：「其實一年一部嘅合作關係維持咗好多年，我拍完《東坡家事》後經理人都有同無綫傾續約，最後一次經理人得到嘅答覆係『有啱先搵你』，我哋意會係不獲續約。」感到愕然的Bobby表示續約與否並不重要，他說：「想得個明白。」

與無綫合作三十多年的Bobby，當年拍完《壹號皇庭II》後曾被「自然流失」逾大半年，他憶述：「當年我去咗馬來西亞發展，四個禮拜搵咗廿幾萬，大半年就搵咗無綫五、六年嘅人工。點知離開唔夠一年又被召回巢開拍《壹III》。」問到有傳曾勵珍出面傾續約，他說：「咪當傾吓閒偈囉！如果離開無綫都會唔捨得o架！」

劇集套套經典

擅長幽默演繹的Bobby曾參與《壹號皇庭》、《陀槍師姐》及《金裝四大才子》等多套經典劇集，成為師奶殺手之一，同時被封為無綫福將。他曾於2000年台慶中憑《洗冤錄》奪「最佳男主角」，2007年再憑《賭場風雲》角逐第35屆國際艾美獎的最佳男主角獎項，成為首位香港男藝人獲此提名。

而同樣被喻為無綫福將的馬浚偉，現時忙於外地演唱會工作，他表示早前回無綫拍劇集《守業者》時，也是高層曾勵珍與他傾合約，對於Bobby續約一事，他聽後亦感奇怪：「會唔會有啲誤會呀？不過如果由曾勵珍同佢傾，都好合理，佢最清楚製作部。」