「警鐘胸」索模aJessica C.再敲響「警鐘」，拋胸出席活動，但她堅決表示不會行內衣騷，即使三倍酬勞亦不為所動，更揚言要向淑女路線進發。

JC以低胸裝騷「警鐘胸」，性感程度滿分！

林德信偷望JC的「警鐘胸」，小心畀女友鬧！

陳柏宇Casual Look現身活動。

名模Jessica C.（JC）、林德信和陳柏宇等前晚出席活動，低胸性感現身的JC吸睛力強，難怪在旁的林德信亦把持不住，望多兩眼。問到是否男友安志杰不在身邊，故大方騷胸？她說：「佢都係Hot Guy，佢有時做嘢都會騷肌肉，我哋互相信任。」

守底線誓要做淑女

同場有模特兒穿內衣演繹手錶，JC坦言不會成為其中一員，即使出三倍酬勞也不能打動她，問到是否男友關係，她說：「我做咩佢都鍾意，但畀幾多錢我都唔會做，呢個係我嘅底線。（唔會喺電影着內衣或者行內衣騷？）電影就視乎劇本，但行內衣騷我都試過，人要向前看，要做番淑女。」

林德信睇女冇王管

談到現場的性感女模，林德信笑說：「啲女仔好性感，但我最鍾意佢哋行騷時拖住嘅老虎狗。」問到女友松岡李那會否因他望女仔而呷醋，他說：「唔會，嚟呢啲活動就係睇靚人靚衫。（同女友一齊唔敢亂望？）唔會，要周圍望。」問到是否覺得女友最好？他卻支吾以對：「我唔識答，太私人，你指邊方面？（畀幾多分？）答唔到，我相信佢行呢啲騷（內衣騷）會好高分。」