余文樂（阿樂）昨晚出席《Infiniti香港旗艦陳列室開幕典禮》，他否認與電影《赤道》女星馮文娟撻着，強調只是電影宣傳，他倆僅得一場戲。自稱單身的他笑問有否好介紹：「幫我搵個好啲！我有朋友話見我咁慘，想介紹圈中女仔畀我識，我覺得好瘀但又好似有需要！」

城中筍盤余文樂公開表示想識女仔，等我呀喂！

盛傳將加盟蕭定一公司的胡杏兒，強調金錢絕非唯一考慮因素。

而同場的胡杏兒盛傳下月約滿無綫後，將以二千五百萬港元加盟蕭定一公司，她說：「只係傳聞！價錢係商業秘密，我唔係只睇錢，要睇發展同將來條路點行。（結婚好啲？）都係考慮之一！（男友有冇畀意見你？）佢有幫我分析。」而蕭定一旗下藝人莊思敏則歡迎杏兒加入。