狄龍恤髮見初生孫女遲大到

狄龍兒子譚俊彥榮升爸爸，其妻昨日剖腹誕下重六磅六安士的囡囡譚晴，他透露前晚緊張得未能入睡，又大爆爸爸狄龍因貪靚恤髮而遲到，要剛出世的孫女等他，他表示爸爸一直恨抱孫：「爸爸話要養身體，因為想將來同個孫女去旅行！」而升呢爺爺嫲嫲的狄龍與陶敏明亦十分興奮，狄龍首度開腔大談孫女：「好靚女！依家追求生活自在，湊孫為樂，有個譚晴，我梗係想有多個『譚朗』啦！日日晴朗晴朗咁！孫女就可以同佢扮吓靚，紮吓辮仔咁！」陶敏明則埋怨老公遲到：「個個都到晒佢都未嚟，姑娘話BB凍喇要入番去！」與林青霞分屬好友的她透露，已收到對方的祝賀短訊，青霞昨日亦透過視像電話與BB見面。