無綫節目《今晚睇李》前晚錄影，天后容祖兒、李克勤及洪永城等擔任嘉賓，問祖兒可擔心思捷問有關男友劉浩龍的問題？她說：「唔驚，驚都冇用啦！同埋有克勤喺度，我諗佢唔會幫思捷啩！」

克勤笑言祖兒絕對能應付刁鑽的問題。

《今》搬到四廠錄影，但李思捷冇唔開心。

近期忙拍內地真人騷的祖兒快將生日，她說：「生日咁啱放假。（慶祝？）冇諗，呢排飛到嘔，如果有時間都唔想太熱鬧，靜靜哋慶祝。（二人世界？）未有計劃。（師兄驚喜求婚？）唔會。（咁肯定？）唔會啩！（想嫁未？）真係唔使住。」問克勤會否為祖兒擋駕？他說：「思捷好有分寸，同埋祖兒其實都好牙尖嘴利，佢有佢嘅辦法。」克勤透露無綫也有邀請他主持節目，他希望是整蠱小朋友的節目，但不會讓兒子上鏡。對於《今》由最大的一廠搬到四廠錄影，李思捷說：「冇唔開心，一開始係想喺四廠做，依家四廠係專屬《今晚睇李》，好少節目可以咁，節目加到三十集，可能會再添食。」

另外，祖兒與克勤昨日接受電台訪問，透露演唱會名還未有定案，祖兒搞爛Gag說：「九月開騷就叫『實聽吧』！」即被克勤反對。