「2015香港小姐競選」於上月起公開招募，並於今日截止報名，前港姐蔡思貝當日亦有撐場，今年大會本以赴韓國接受著名事務所專業藝人訓練，有機會與韓星鄭容和及李弘基等近距離接觸，欲食正吹韓國條水，作為賣點來吸引女士報名。不過，近日南韓新沙士肆虐，疫情尚未受控，無綫召開緊急會議商討，認為風險太大，決定取消韓國之行，改到日本取景，預計下月初出發，無綫已派員與日本娛樂演藝公司聯繫，幸好瞬間便有公司支持，據知屆時會邀請日本藝人擔任嘉賓。

無綫取消港姐赴韓，蔡思貝非常愕然。

曾揚言想跟大隊到首爾拍外景的蔡思貝，對於無綫決定取消該地外景非常愕然，她說：「最緊要係參賽者人身安全同健康問題，如果真係去咗當地，佢哋家人同朋友都會好擔心，其實港姐每年外景拍攝都係賣點之一，相信公司好快會有安排，自己都好期待。」

黃心穎對於無綫取消港姐韓國外景，她說：「都覺得可惜，因為今次培訓學校好優秀，但相信公司會有Plan B。我覺得參加得港姐係為咗想見識多啲，同埋完成夢想，去唔去韓國唔係重點，公司為咗佳麗同工作人員健康有咁嘅決定係好啱，如果冇健康咩夢想都完成唔到。」