南韓近日爆發新沙士，疫情嚴峻引起恐慌，香港藝人鄧麗欣（Stephy）、組合As One及太陽娛樂揸Fit人黃柏高（Paco）均身在當地，Stephy帶備大量口罩及消毒噴霧傍身，以防萬一，而Paco透露當地市面平靜，沒有半點緊張：「只係過海關收健康申請表嘅職員戴口罩。」

Stephy表示在南韓逗留期間會一切小心。

As One在南韓主要是排舞，很少與其他人接觸。

方力申叮囑女友Stephy勤洗手保健康。

Paco表示南韓只有很少人戴口罩。

鄧麗欣昨日在微博上載一張機艙自拍大頭相，並留言準備前往直至昨晚已有25個確診病例，更有兩死亡個案的新沙士（中東呼吸綜合症）疫區工作，她說：「有點緊張。」原來她前往南韓是為nowTV拍旅遊節目《Fashion Seoul大激戰》。

Paco飲酒預防

由於當地正爆發新沙士，確診人數不斷增加，亦有病患者因新沙士死亡，Stephy昨日透過電話表示出發前已知當地疫情嚴峻，故準備大量口罩、消毒噴霧、洗手液及濕紙巾，她說：「洗手洗得好密，當地人唔係太緊張，自己唔太擔心，會逗留四、五日，一切小心。」而身在當地為電影《殺破狼II》傾發行的Paco說：「入境只係得好少人戴口罩，南韓海關方面只得收健康申報表嘅職員戴口罩，我去食嘢地方都冇人戴口罩。（點預防？）飲多啲酒，唔係太擔心。」

方力申叮囑洗手

而Stephy男友方力申接受電話訪問時說：「有叫佢小心、戴口罩同洗手。（擔心女朋友？）主辦單位覺得安全就得，作為外地人都唔好咁驚，自己小心啲，留意新聞睇吓香港政府有冇話危險，如果冇即係安全，唔好咁敏感。」而身在當地集訓的As One成員Nata亦有留意疫情新聞，她說：「知道疫情日日有增加，我哋見嘅人唔多，每日都係排舞、練歌，唔係太擔心。」