DJ瑪姬近日到韓國旅行，到埗後即直衝新沙洞掃靚衫，花費近五位數字：「嗰度好多設計師小店，衫、褲同袋都唔驚撞款！我由頭買到落腳！」她大爆此行與當地大媽「開火」鬧交：「我去食嘢時跟住四位大媽先入升降機，點知佢哋轉個頭就大力推我出去兼關門，我就嬲到住道門同佢議論！之後朋友叫我唔好同佢哋嘈，驚我強行入升降機會有危險！」問到途中有否艷遇？她自爆不愛韓國型男：「我唔會同韓男拍拖，佢哋畀人印象比較大男人，而我本身都大女人，到時咪盞火星撞地球！」

瑪姬到韓國旅行，當然要品嘗地道美食！