無綫藝人何基佑早前榮升老竇，這位「新鮮出爐」的爸爸都算快上手，不用一星期，已經可以換尿片、家務一腳踢。談到換尿片，他爆小兒子何清義（Nathaniel）的趣事：「BB算乖，但食奶前後都好喜歡『口殊口殊』，要經常換片，試過好多次換換吓片佢屙尿，結果我個身同佢塊面都有，佢『斟茶』兩父子一齊飲！」

何基佑做老竇，努力搵奶粉錢！

不少形象健康的藝人做了父母後，都會獲廣告商垂青邀拍廣告，如基佑的好友張頴康便一家三口拍了奶粉廣告，而一向形象健康的基佑，亦獲不少廣告商垂青，正斟洽一些廣告，他笑言工作愈多愈好，因要幫囝囝搵奶粉錢。