藝人李悅彤（Liddy）日前就電影《四非》重遊圓方，那個令她負上「彭順小三」之名的舊地接受記者專訪，Liddy去年同時因父親吞槍自殺而登上港聞頭條成為焦點後銷聲匿迹，但專訪當日未見傷感，她說：「我覺得每一個相遇都唔係偶然，我好欣然接受上天安排，不論好與壞。」兩事發生至今期間，Liddy曾歸隱尼姑庵唸佛開竅，同時讓時間沖淡一切，她說：「我覺得人生係要跨過一個低潮先會去到另一個境界，我敢講我依家係另一個境界。」

李悅彤走出陰霾，重新出發。

前年拍攝《四非》時，Liddy為投入角色特意孤立自己培養情緒，更為配合性感演出而節食令自己長期情緒低落，提到一場她為男主角周柏豪解決性需要的戲份時，她笑稱未有因而感到興奮：「反而比較關心自己嘅表情，究竟可唔可以交代到喺我塊面上面？因為好多嘢係冇對白。」

自稱無論工作上和感情上都重新出發的Liddy已走出陰霾，提到早前她拒接以其「槍手之女」事件改編的有線單元劇集《大凶捕》時，她解釋：「我對媽咪同阿妹要有交代，我要關心我身邊所有愛我嘅人嘅感受，以前我實在太自私。」