男子組合天堂鳥連日來為6月推出的新歌做準備，隊長Gordon希望一新樂迷視聽享受：「我哋有大半年冇出新歌，今次新歌會各自以三個唔同嘅形象見大家，我哋各自揣摩咗好耐，公司因應我哋唔同嘅性格，為我哋度身訂造，我哋都好鍾意！」

天堂鳥的新歌MV將配合全新舞步。

成員Tyrese指舞蹈方面一絲不苟：「我哋喺新歌MV會跳隻全新嘅舞，啲動作又Man又有少少性感，排咗好耐！」另一成員Lincoln諗計吸納更多粉絲：「如果公司許可，我哋想喺個MV度加入女仔角色，同女Model合作都唔錯！因為MV得我哋三個就吸引女歌迷，加埋女Model可以吸納多啲男觀眾注意。」