早前女星李曼筠（Maggie）到農莊探訪羊咩咩，愛心爆棚的她親手餵十頭小山羊吃葉，她笑言跟小羊一樣為食，因此甚有親切感！期間Maggie搞笑地與小羊開心Share一塊葉，又當四個月大的羊咩「小龍女」如BB般又攬又錫！

李曼筠到農莊探訪羊咩咩，餵小山羊吃葉。

李曼筠錫錫小羊，Sweet到爆！

李曼筠與小羊Share一塊葉，十分搞笑！

「小龍女」跳跳紮搶葉食，氹得李曼筠開心不已！

早前「動漫Maggie」李曼筠到訪位於元朗的低碳農莊，親親十頭小山羊，羊群見到Maggie帶來美味樹葉，紛紛伸出頭來搶吃，愛心爆棚的Maggie逐一餵飼小羊，期間搞笑地與小羊咬同一塊葉分甘同味，又向小羊獻吻，氹得牠們非常興奮！Maggie當只得四個月大的羊咩「小龍女」如BB一樣又攬又錫，並帶牠遊走農莊一圈，活潑好動的「小龍女」更不停跳跳紮，可愛爆燈！

行到邊食到邊

事後Maggie化身記者「採訪」小羊感受，她笑說：「場主話啲羊係唔會食飽，所以我要請教佢哋，之前覺得羊係好靜好乖，今次有少少改觀，原來係咁活潑，仲同我一樣有嘢食就會跟你行，哈哈！（最鍾意邊隻羊？）小龍女啦！我屬龍，所以同佢好啱傾，大家都係行到邊食到邊！佢畀我抱住都冇反抗，好似狗仔貓仔咁，可能佢飲奶大，習慣被人抱住。」

想行桃花運

提到工作大計，近年拍過不少飲食節目的Maggie笑言想繼續「食力強勁」，會積極進軍飲食界：「除咗主持節目仲計劃出飲食書，主要講健康飲食，教姊妹點樣食極唔肥，另外都想接多啲電影，咩角色都想試！（桃花運呢？）當然想好啲，我都到適合拍拖年齡，唔會好似以前咁抗拒。」