歌手陳柏宇早前到電台受訪，他透露新歌《回眸一笑》講述一段刻骨銘心的愛情，問到現實中哪段感情最深刻？他即大晒「閃光彈」：「梗係現階段最刻骨銘心啦！（同女友提情史？）我唔介意講，但唔會刻意講，無謂畀對方妒忌，啲女人鍾意比較！」他坦言跟女友拍拖四年不時會有拗撬：「無論啱同錯都唔緊要啦！愛一個人係會為對方作出讓步，所以通常都係我認低威先！」提到曾許下承諾與女友在2017年拉埋天窗，他甜絲絲地說：「因為我想35歲前有BB，所以計劃34歲結婚！（中途有『意外』？）唔知o架，呢個唔係重點啦！」

與女友拍拖4年的陳柏宇，打算34歲拉埋天窗。