歌手AGA早前現身科技活動，問到可有試過上網識男仔？她否認其事：「學生時代鍾意用ICQ同MSN，同隔籬學校嘅朋友傾偈。（男仔？）有男有女咁啦！」並自爆本來不愛自拍，惟入行後常要自拍，現已慢慢習慣。提及可有跟藝人學習自拍技巧？她表示去年拍合唱歌MV時，曾向李幸倪（Gin Lee）學習很多。談到早前在《香港電影金像獎頒獎典禮》上跟林奕匡及J.Arie等表演前輩黃霑的作品，作為新人的AGA對於參與電影界盛事感到榮幸：「臨出場嗰陣好緊張，但唱完之後我同佢哋都有喺後台攬吓。（想唱電影主題曲？）之前都試過寫電影插曲，嚟緊都想參與多啲電影主題曲，有得唱埋就最好！（拍戲呢？）都想試吓，應該幾好玩。」

本來不愛自拍的AGA，入行後已開始習慣Selfie。