近期「翻叮熱」成風，電視劇《大時代》重播再掀熱話，歌手關楚耀（Kelvin）亦「翻叮」湯寶如當年的經典歌《感冒》，更誠邀湯記來個2015年的合唱版，43歲的湯記對細她11年的「夜蒲男」Kelvin大感好奇，惟Kelvin反向她請教求愛招數，令湯記頓成「戀愛專家」！

關楚耀與湯記合唱經典歌曲《感冒》，擦出新火花！

湯寶如的經典代表作《感冒》，事隔19年竟然被「翻叮」！Kelvin透露一直構思與爸爸關維麟合作過的歌手合唱，例如與契爺譚詠麟合唱，而湯記亦成為其中一位！他坦言當年還是小朋友的時候，對於電視上短頭髮的湯記姐姐留下深刻印象，因當年很少女歌手短髮示人，他最記得父親指湯記未做歌手前是做老師：「我細個好驚啲Miss，聽完阿爸咁講，我直覺就覺得湯記好惡囉！」湯記笑說：「係呀！我唔出聲啲人係覺得我好寸。」

「夜蒲男」難抽離？

對於與Kelvin重新演繹《感冒》，湯記坦言感覺新鮮，第一次將舊歌變成合唱歌。問到Kelvin可有壓力？他說：「又冇特別壓力，以前未見過佢就驚，到真係識咗湯記原來係好玩得嘅人。」湯記則表示有留意Kelvin夜蒲系列電影，更抵死追問Kelvin面對波濤胸湧的女星可Enjoy？他無奈說：「其實係辛苦同尷尬多啲。（難抽離？）你估我係梁朝偉咩！咁戲內角色係投入到嘅！」

食兩次檸檬

湯記追問Kelvin有否拍拖，令Kelvin尷尬地說：「冇啦！個個都以為我好多女友，我都想有個穩定嘅。」被喻為「夜蒲殺手」的Kelvin竟然反過來請教湯記追女絕招：「其實點追女仔呢？我試過約個女仔食飯，兩次都推我！」湯記即時專家上身：「以女性角度睇，推得兩次都應該冇行！算啦！個樹林咁大，搵過啦！你好鍾意佢咩？」Kelvin說：「都鍾意！唔係圈中人嚟！」原來Kelvin出動「I Miss You」留言，對方依然無動於衷，難怪湯記勸他「死咗條心」呢！

湯寶如

髮型：Jacky Ma & Echo Wan@Headquarters

化妝：Jessica Chan

關楚耀

髮型：Dickson Ma@ii salon

化妝：Michelle Tong@Do.Did.Done

服裝：D-mop