女子組合Robynn & Kendy與林奕匡聯手炮製合唱歌《新一天》，早前他們為新歌拍攝MV，由於採用一鏡直落的拍攝手法，所以相當考驗他們的演技。Robynn自爆最後足足用了兩日才完成拍攝工作：「拍咗兩日，加埋NG咗成50次，第一日大家都係摸熟緊拍攝方法，最後太陽落山都未拍到。」

林奕匡（左一）與Robynn & Kendy合作拍攝新歌MV。

其中一幕劇情講述Kendy與林奕匡在洗手間內「接力」過鏡，但因空間太小，二人要瞓身爬地以免穿崩，Kendy更多次中「頭獎」，Kendy笑說：「我成日唔小心撞到牆，以為自己識穿牆咁，不過成個拍攝過程好刺激，好好玩。」