王梓軒「富二代」的標籤一度讓他擔心不獲認同，不同的枷鎖奪去他很多創意及熱誠，其後因黃秋生教學激起他放開懷抱，「有乜唔得，冇乜唔得」一句新歌歌詞更成為他鼓起勇氣豁出去的踏腳石。

王梓軒出道至今一直被標籤為「富二代」，奪去他很多創意及熱誠。

王梓軒表示從汪明荃身上學到不少演戲技巧，在新歌《次世代》的風格上有明顯轉變。

王梓軒入行後一度處於驚慌狀態，害怕不被別人認同。

歌手王梓軒（Jonathan）出道至今一直被標籤為「富二代」，以致所花的努力在別人眼中都有雜質：「背景係其中一個煩惱，但都接受咗，反而係另一個層次，就係觀眾會唔會肯定我嘅努力，佢哋會覺得我有背景所以有咁嘅成績係應該。」

錯失創作靈感

一切種種令Jonathan在五年間有不同枷鎖，顧及別人喜歡與否、哪種宣傳最有效等令他不敢放開自己，更讓Jonathan一度處於驚慌狀態，驚別人不認同自己，驅使他錯失不少創作靈感：「出道從來冇諗過賣樣，偏偏唔敢玩，唔係偶像點解唔豁出去，所以做番自己。」故此新歌《次世代》風格上有明顯轉變，主題只有簡單的「沒甚麼不能」，Jonathan說：「以前宣傳係會Over諗多咗，一定要有咩訊息帶畀人，驚死人唔明，但唔一定要限死自己，應該要共樂。」

音樂忠於自己

除了在音樂上開始忠於自己，在演戲上Jonathan也慢慢放開，最近在新劇中與劉松仁及汪明荃有對手戲，感激從他們身上學到不少技巧：「汪阿姐做好自己外，無論咩場口都顧及其他人嘅戲，所以劇本佢所有嘢都熟，無論係主、副都會畀足嘢對手。」經過多次拍劇後，他找到當中樂趣，並得悉自己的不足，故參與黃秋生及甄詠蓓的演技堂，秋生用激將法激發他的特性，放開他的枷鎖，更促成新歌的誕生：「如果做得唔到位，佢會當面話Boring，嗰陣就要搵橋，最後冇橋就做番本能嘢，知道做咩都係要Enjoy而唔係要計，包括做歌。」