「警鐘胸」Jessica C.昨日穿上Bra Top出席活動，即場做運動大騷驕人身材。在展示運動期間，她只顧上身而忽略下身，不慎露出黑色T-back，事後她掩面大為驚訝，坦言下次會小心。

JC冧爆大讚安志杰是Mr.Right。

投入做運動的JC上下失守。

羅仲謙大讚女友楊怡身材Fit。

羅仲謙與Jessica C.昨日一同出席活動，身穿粉紅色Bra Top的JC即場做運動，大騷完美身材，卻不慎露出黑色T-back。記者訪問時告知，她即掩面大為驚訝，表示當初只顧上身會否走光，而沒有理會其他地方，坦言下次會小心。

恭喜Baby結婚

提到Angelababy和黃曉明公布結婚，JC表示恭喜對方：「結婚係人生一部分，係開心事。（你會唔會突然結婚？）唔知，驚喜要嚟就嚟，我都好鍾意驚喜。（期望男友安志杰畀驚喜你？）唔想有期望。」對於是否有共識結婚？她即冧爆說：「He is the one！呢個時候佢仲係我個Mr.Right，佢好Sweet。」談到夢想婚禮，JC表示希望在海灘舉行：「我比較傳統，希望註冊同行禮一齊。」JC又透露前日從洛杉磯試鏡及探望家人回來，下月會與安志杰（Andy）合作拍電影：「其實Andy今次都有去LA，不過就有自己工作。（Andy有見你父母？）其實上次佢哋已經見過。」

羅仲謙讚楊怡Fit

而羅仲謙被問到是否喜歡有線條的女生，如同場的JC，他即笑說：「健康好緊要，唔一定要好線條，女仔最好有Baby Fat。」問到會否與女友楊怡一起做運動？他表示未試過，不過大讚女友身材Fit、比例好。問到夏天會否約她踩單車或游泳？他說：「我覺得健身會好，踩單車自己唔專業，游水作為公眾人物又唔方便，所以健身舒服o的，女仔會怕辛苦，所以由淺入深好o的。（佢怕戶外活動？）佢係一個好動嘅女仔。」