Regen的HotCha舊拍檔Winkie及Crystal齊聲表示未聞好友遇車禍受傷，昨日Crystal接受電話訪問時指，可能Regen怕她擔心才報喜不報憂，她希望好友盡快康復，並叮囑她搭車要扣安全帶。而Winkie則希望Regen保重身體。

蔚雨芯（右）見Regen似有不妥，即「的」她到醫院求診。

Winkie（右）及Crystal均為Regen的傷勢感擔心。

前日陪Regen睇急症的蔚雨芯（Rainky）則相當同情對方的遭遇：「佢好慘呀！撞咗車，仲畀的士司機用粗口鬧，仲要收番佢的士錢。」問到Regen的情況，她指前日因黑雨而取消拍劇通告，放工時見到Regen匿埋一邊，很不舒服，才得知對方撞車，驚聞Regen還未睇醫生，即「的」好友入院。