Stephy聽罷發哥的回覆不禁高興大笑，並說：「好開心發哥答咗我問嘅問題，首先我覺得佢好英明呀！佢覺得小方好肥啦！我好瘦啦！就係佢食晒我啲嘢！其實係真，就係佢平時食晒我啲嘢，搞到我冇啖好食呀！所以我就咁瘦囉！講笑啫！發哥又講到廣東道係佢最喜愛嘅街市，我會去多啲，試吓可唔可以野生捕獲到佢，同埋感受吓佢頭先所講，廣東道嗰種特色嘅街市，嗰種感覺係點，我會去多啲！」