黃翠如昨日為無綫劇《愛．回家》試造型時大呻與男友蕭正楠聚少離多，更託記者問候對方，但他倆前日剛見完，認真冤氣！翠如BB揚言從未向對方逼婚，全因「好唔型」！張振朗則預告於劇中與何君誠爭龔嘉欣！

以清爽短髮示人的龔嘉欣為搣甩妹妹仔形象，化行濃妝行成熟路線。

自稱崇尚型格生活的黃翠如，從未向蕭正楠逼婚。

龔嘉欣肉緊地扭張振朗耳仔，望落又幾襯喎！

吳業坤（左）與麥長青正式加入劇組，有望擦出新火花。

(設計對白)

黃翠如、龔嘉欣（Katy）、張振朗和吳業坤等昨日在將軍澳電視城為無綫劇《愛．回家》試造型，劇中與張繼聰演情侶的翠如BB透露拍檔身在內地未能出席，下月阿聰便會回歸劇組。對於被指向男友蕭正楠逼婚，翠如BB直言逼婚「好唔型」：「我個人好崇尚型格生活，所以呢啲字唔好再用喺我度，太唔型啦！」

同居So What?

劇中對婚姻緊張的翠如BB表示現實中生活獨立，小時候曾考慮與姊妹過全女班生活，並趁機再次否認與男友同居：「間中相聚吓好正常！」她又指即使同居問題亦不大，並大呻男友即將到內地拍攝《公公出宮》外景，有兩劇在手的她坦言很難相見：「幫我問候吓佢！（上次見係幾時？）尋日喺公司見到佢，佢Last廠。」認真冤氣。

Katy張振朗重新出「髮」

而早前有份拍《愛》劇的Katy今次會以另一個角色參演：「特登剪咗頭髮，化一個濃啲嘅妝，搣甩妹妹仔嘅形象，想成熟番啲。」她表示舊角色與吳家樂會有Happy Ending。而與何君誠爭Katy的張振朗亦以新髮型示人：「畀番個新鮮感大家，我把頭髮都留咗好耐，我諗好多人都想剪鬼咗佢！」

而新加入的吳業坤則指劇中性格似足自己：「我諗最大難度係喺鏡頭面前表現自己真實性格。」飾演龔嘉欣孖生細佬的他大爆會「介入」家姐的感情線，阻止家姐的兩大追求者，他最希望與張振朗擦出火花，張振朗聞言笑說：「擦出愛火花！」