楊怡、錢小豪及陳自瑤等昨日為新劇《潮拜武當》宣傳，楊怡笑指不會跟男友羅仲謙「過兩招」，因怕謙謙不夠打！

楊怡擺姿勢顯功架，果然係學過噃！謙謙要小心喇！

羅仲謙

錢小豪打頭陣帶一眾演員耍功夫。

楊怡昨日偕錢小豪及陳自瑤等到葵芳出席無綫新劇《潮拜武當》的宣傳活動，曾為拍劇學太極的楊怡笑言已忘記得七七八八，不過憶起在武當拍攝外景，即大讚當地景色優美，加上錢小豪已有多年沒有為無綫拍劇，故她對於收視有信心。

錢小豪怕阿仔笑戲屎

問到會否與男友羅仲謙「過兩招」？楊怡說：「唔啦！我驚佢唔夠我打呀！太極係切磋唔係打交！佢咁剛強，唔好挑戰我！」而錢小豪透露已有18年沒有為無綫拍劇，今次如回家一樣：「元秋喺邵氏嗰時已經合作，認識洪天明嗰陣佢得七歲！（對收視有冇壓力？）冇，反而個仔未試過喺香港打開個電視睇到我，我驚佢彈我演技!」他又稱如有合適劇本會繼續與TVB合作，又笑言要與細佬錢嘉樂合作：「一個正派一個反派，加埋盈盈，咁就好玩啦！」

陳自瑤老公王浩信早前與黃心穎傳出緋聞，問到此事有否令夫婦感情生變？陳自瑤表示沒有，因大家亦明白緋聞不是真實的，她又透露將赴開平一星期，拍攝《公公出宮》外景。