莊思敏、陸駿光、鮑起靜、邵音音及李逸朗等前晚出席葉念琛監製新片《碟仙碟仙》開鏡拜神，莊思敏自爆：「早幾日拍請仙戲，全程陸駿光嘔足幾次，真係幾邪！其實之前我細妹（莊思華）喺夜店都帶咗啲污糟嘢返屋企，工人話見到有白影，喊住叫唔做，後來打齋先冇事！」陸駿光談到狂嘔一事時說：「係呀，嘔咗5次，可能因為我唔食煙，但要拍食煙戲先搞成咁。之前喺舊公司試過凌晨上樓攞劇本，點知升降機門多次無故打開，又聽到把女聲，嚇到我同隔籬個同事衝出去，即刻搵道具手足攞束香嚟上，先安心番。」

陸駿光（右起）、莊思敏與鮑起靜出席開鏡儀式。

鮑起靜今次與羅蘭及邵音音鬥戲，不過三人並未獲安排同場，令她大感可惜。她又指女兒剛帶5個月大的孫兒返倫敦生活，令她十分不捨，故打算忙完手頭上工作即飛往探望。