胡諾言和老婆陳琪於2009年結婚，育有兩名分別五歲和兩歲的寶貝女，兩夫妻在電視界打滾多年，雖然未嘗主角滋味，但不乏令人印象深刻的角色，胡仔曾於2006年為無綫劇《肥田囍事》與胡杏兒齊齊增肥40磅，角色討好。而陳琪過往經常飾演良家婦女，但去年在劇集《再戰明天》中首度飾演女囚犯「殺人鯨」，被網友大讚表現破格突出。另外，胡仔最近加入肌男行列，昨日在微博大騷Fit爆身材：「入行時，曾經有6-8位朋友陪伴我，之後（肥田囍事）增肥後，佢哋全部走晒，經過多年後，有幾位終於返咗嚟喇！……腹肌先生，好久不見！」