吳綺莉（Elaine）女兒吳卓林早前到瑞士遊學，Elaine昨日到機場接女兒回家，表示曾於三周前見面，而女兒遊學時也有傳短訊給她。她又表示雙方因文化差異而產生誤會，認為任何事情都可以解決：「你知16、17歲有自己思想，兩個需要協調。（之後會好好溝通？）16、17歲都唔鍾意同媽咪傾偈，我只希望佢唔好行差踏錯、返學正常。（隔成個月見好啲？）始終兩母女，有乜隔夜仇，要嬲都嬲完啦！（平心靜氣溝通？）會，小朋友愈激就愈反叛。」而卓林步出閘口時即躲於同學背後避鏡頭，期間連媽咪叫也聽不見。問到有否嬲媽咪？她邊行邊說：「冇。（買禮物畀媽咪？）有。（掛住媽咪？）Yes！（會打開心窗？）Yes！It's a start！」返回大埔寓所時，問到會否再「離家出走」？卓林未有回應便匆匆入屋。對於是否擔心女兒再走？Elaine笑說：「大吉利是過你！應該唔會。」

吳綺莉坦言兩母女冇隔夜仇，而卓林則表示掛念媽咪。