5月18日，在這個巨星周潤發60大壽的特別日子，《東網巨星》推出特備節目《我愛發哥》，找來25位80、90後的歌影視偶像包括容祖兒、謝安琪、蔡卓妍、鍾欣潼、佘詩曼、吳若希、周秀娜、周柏豪、薛凱琪、張繼聰及黃翠如等向發哥發問與致敬。緊接的個多月，逢星期一至五，巨星周潤發更破天荒現身，回應25位紅星的發問，答案盡顯其風趣幽默作風，令人會心微笑。眾星更會在節目中向發哥致敬，細說發哥從影40年來有趣事、成就、獎項等軼事，不容錯過，啟播5集已成為城中熱話。只要你有《東網巨星》App，睇實《東網》緊接的四星期，可以講發哥日日陪住你。

第一集

第二集

第三集

第四集

第五集

謝安琪變咗鍾楚紅

謝安琪勁愛發哥的電影《秋天的童話》，笑言「船頭尺」呢個麻甩佬都可以同鍾楚紅發生感情！發哥即刻拉張繼聰落水，又讚謝安琪首《囍帖街》：「你個張繼聰呢個麻甩佬，咪『船頭尺』囉！你咪鍾楚紅囉！你都好浪漫呀！多謝你呀！唱隻《囍帖街》，你唱完之後條街冇咗喇！好彩你有唱咋！唔係真係死人喇！」

軒仔搞到發哥放毒蛇

常跟發哥在髮型屋相遇的張敬軒狂讚發哥博學，點知發哥自爆被軒仔傷頭血漿造型嚇親：「嚇得我以為你畀人扑親個頭，你唱歌嘅做咩都搞成咁？做咩唔搵嘢止血呢？」軒仔又指發哥成日笑騎騎，發哥笑說：「我喺後面放毒蛇你唔知啫！開心係令身體好啲，每一個五臟六腑都會騎騎騎咁笑，都唔會有咁多病毒o架！」

教鍾嘉欣倒立回春

花旦鍾嘉欣佩服發哥將所有遺產捐給慈善機構，發哥笑言現在科學昌明，唔知「等到幾時」！當嘉欣問到點解發哥60歲都係咁靚仔，發哥笑言地心吸力令下巴下墜：「日日咁扯，我又唔識倒豎葱，如果我有個朋友識教我打番兩嘴玩倒豎葱，可能都會後生二、三十年，不過唔去喇！我驚我一整上去就腦充血！」

大隻聰係老花阿伯

張繼聰戴着眼鏡發問，由於鏡片反光，發哥皺眉說：「你眼鏡做咩？花得咁淒涼？依家啲鏡片有防UV嘛！阿聰伯，你搞咩？」他又不忘大讚對方的朱古力身形：「你啲朱古力又唔溶，舊舊都咁實！我封你做偶像，有睇晒你啲戲，做你唔死算夠運！」

香香買餸學識去搶

發哥一見到岑麗香，即「香香」前「香香」後，又覺得香香似台山人，而他對台山妹情有獨鍾。香香問發哥去街市買餸有冇攞折頭，發哥說：「仲使咩攞折頭？直情攞啦！我係土霸嚟！」