無綫藝人黃穎君（Burmie）前晚與導演丘一峯拉埋天窗，李思捷、吳業坤及喬寶寶等均有到賀。平日做慣活動司儀的Burmie，出嫁之日亦被笑咪不離手，新任丘太說：「啲朋友問我係咪連自己結婚都要做司儀？其實當晚係我表妹做司儀，但思捷、吳業坤佢哋玩得好開心，聽唔到表妹叫佢哋出嚟影合照，咪我嚟囉，我怕Overrun嘛！（趕住造人？）呢樣遲啲先，因為同老公都忙，蜜月都要留到5月尾先起程。」

一對新人熱情地與思捷及喬寶寶等賓客合照。