陳山聰及黃又南前晚到筲箕灣拍攝無綫新劇《殭》，山聰一身殭屍打扮，留着黑色長指甲的雙手滿布血漬，造型恐怖感十足，令人毛骨悚然！山聰說：「起初唔慣呢身造型，因為我未戴過Con（隱形眼鏡），呢對Colour Con要戴半個鐘，依家好快手。」他又指劇中與鄭嘉穎動作連場：「嘉穎拍過好多動作戲，加上打戲會加後期效果，我哋都好期待個效果係點。（嘉穎近排因為緋聞春風滿面？）哈！我男人嚟，唔八卦，其實佢不嬲都好心情。（你唔使再被傳力追陳凱琳覺甩難？）冇話甩唔甩難，有人咁寫，咪當為個劇宣傳。」又南被追問與緋聞女友劉佩玥近況，他說：「其實我哋一齊嘅場口唔多，係之前有場群戲，都唔知點解咁傳。（見番會尷尬？）冇，我送眼鏡畀啲藝人啫，羅蘭姐都有，我好多謝啲藝人肯畀面戴我啲眼鏡。」

變身殭屍的山聰作狀抓又南，認真入戲！